IniciosociedadeUn toque turístico para o cemiterio de Ribadeo

Un toque turístico para o cemiterio de Ribadeo

O Concello editará un folleto informativo sobre as celebridades soterradas no camposanto

Publicada o

- Advertisement -

O Concello de Ribadeo editará un folleto sobre o cemiterio municipal que incluirá información sobre algunhas das personalidades soterradas no camposanto ribadense. A iniciativa atende a unha petición da veciñanza e dos turistas, segundo asegura o concelleiro responsable desta área, Jorge Díaz Freije.

A publicación recollerá tamén datos sobre a capela e o cemiterio, obra financiada polos irmáns Moreno Ulloa, os emigrantes que construíron a torre que domina o casco vello da localidade.

Díaz Freije sinalou que a “revalorización” do cemiterio é “algo que se fai con estes recintos en moitas vilas e cidades”. “Imos empezar cunha cousa aberta e sinxela, pero creo que interesante, que sirva de homenaxe a quenes se involucraron por Ribadeo e nos deron tanto”.

Os propios irmáns Moreno, trala repatriación das cinzas no 2005, son dúas das personalidades cuxos restos fican no cemiterio. Tamén está soterrado no camposanto ribadense, entre outros, o ex presidente do Goberno central, Leopoldo Calvo-Sotelo.

LIMPEZA

Neste senso, de cara a dar unha boa imaxe a quenes se acheguen a visitar o camposanto, o edil de cemiterios reitera “o chamamento que se fixo para que os propietarios das tumbas, nichos e mausoleos manteñan esta propiedade en boas condicións de conservación e ornato. Non só porque é unha obriga”, sinala, “senón por tratarse da memoria propia e a de todos”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...